Punjab da gabru munda Diljit Concert ke mazedaar aur energetic vibes me kahi yehi bheed me kisiki energy ho rahi thi negative. Dil jeetne wale Diljeet ke song ‘lover’ ki beats par ek lover ho raha tha dump. Aise khushi ke mahol me bhi kuch aisa dukhi ho sakta tha kabhi socha nahi tha. ‘Rest in heap’ the man was found in a dustbin. Ji haa! sahi suna aapne ye dil toote aashiq ne apni zindagi ko kachre me mila diya.
Mumbai ka Bandra Kurla Complex pichli raat ek ajeeb aur dilchasp dukhi dastan ka gavaah bana. Dosanjh ke live concert ke baad ek banda dustbin ke andar rota hua paaya gaya. Witnesses ne bataya ki banda heartbreak ke extreme mode mein tha aur Diljit ke gaane “Do You Know” aur “Proper Patola” ke lyrics apne dukh se connect karte hue ga raha tha. Aakhir isse dukh kis baat ka tha?
Ye tha ek overconfident Banda, jo apne ko social media username “Single King 007” rakhta tha. Iss akele raja ne event ke beech hi mood me aakar apni crush ko propose kar diya. Ek die-hard fan ki tarah humare himmatwale raja gaye stage ke paasaur ek pyaara sa “Ve Main Teri Hoya” moment recreate karne ki koshish ki. Ispar Diljit be like “To mai kya job chod du?”
Phir bhi sadde Diljeet Dosanjh dil ke bade hone par unko moment banane stage diya magar afsos moment ban ne se peheli hi bigad gayi. Ladki thi kafi sundar lekin jab boli tab shayad bande ko kachre ki yaad aa gaye tab jake dustbin me sama gaya aur rone laga. Ladki boli “Pagala gaye ho ka? mujhe nai pasand tum sorry you’re dumped”
Ladki ke shabd seriously lete hue bande ne ye kand kar diya. Ye rejection banda bardasht nahi kar paaya. “Diljit ke beats mere dard ke saath resonate kar rahe the, lekin bandi ke ‘no’ ke baad mujhe zindagi mein koi beat nahi dikhi,” banda ne Farzi media ko bataya. Rejection ke baad, usne venue ke ek dustbin mein apne aap ko safe space dhoondhna shuru kiya aur wahi baith gaya.
Dustbin se Lagav
Dustbin ke andar ghuste waqt banda itna dukhi tha ki usne baahar nikalne se inkaar kar diya. Witnesses ke mutabik, banda chilla raha tha: “Yeh dustbin mera asliyat hai, ab yehhi meri duniya hai!” Organizers ne band ko samjhaane ki koshish ki, lekin aashiq apne heartbreak aur dustbin ke comfort ko chhodne ke mood mein nahi tha.
Event ke security guards ne end mein usko gently dustbin se nikaala aur usse pani pilaya. Lekin banda abhi bhi apne “true love” ke khayaalon mein khoya tha. “Ye dustbin mujhe samajhta hai. Yahan koi judgement nahi, sirf Coke ki bottle aur Lay’s ka khoya packet hai,” usne bola.
Heartbreak Fame
Social media par iska video upload hote hi banda viral ho gaya. Hashtags like #DustbinBae aur #RejectedButResilient trend karne lage. Logon ne Diljit ke concert organizers se demand kiya ki agle event mein heartbreak ke liye ek “Emotional Recovery Zone” set up kiya jaye.
Diljit Dosanjh ka PR team bhi is situation par kaafi entertained lag rahi thi. Ye incident humein ye sikhaata hai ki pyaar ka izhaar karne ke liye venue kaafi important hota hai. Bandi ko proposal dene se pehle uska mood aur uska Diljit ke lyrics ke saath connection confirm karna zaroori hai. Ya atleast confirm karo ki comfort keliye koi saaf jagah ho aajubaju, kyuki rejecion kabhi bhi kissi bhi vakt mil sakta hai. Warna aap bhi ek dustbin ki kahani ka part ban sakte ho! Bas to fir padhte rahe Farzi News
0 Comments